BERRIA, larunbata, 2014ko azaroaren 1a
Heziberri, LOMCEren egituran
Jaurlaritzak
Espainiako araudiaren edukiak osatu ditu, EAErekin eta euskal
kulturarekin lotutako eduki baliokideekin.
Hezkuntza Sailaren curriculum zirriborroak eztabaidatzen ari dira oraindik.
Hezkuntza Sailaren curriculum zirriborroak eztabaidatzen ari dira oraindik.
__________
Jon
Rejado
Gasteiz
LOMCEk
zehaztutako egituraren gainean egokitu du Eusko
Jaurlaritzak
Heziberri egitasmoa. Hezkuntza Saila prestatzen ari den curriculum
dekretuek Espainiako Gobernuaren legearen puntu gehien-gehienak
errespetatzen dituzte, eta, horren gainean, «euskal dimentsioa»
emateko edukiak txertatu dituzte. BERRIAk Heziberriren dekretuok
aztertu ditu; oraindik ere eztabaida prozesuan daude.
EUSKAL HERRIA
Kulturari
atxikia
Euskal
Herria kontzeptua
—euskaraz idatzia— hainbatetan agertzen da, Heziberriren
gaztelerazko testuan ere. Ordea, kasu
gehienetan kultura, hizkuntza edota ohitura hitzekin
partekatzen du esaldia. Hau da, Euskal Herria ez da erakunde
juridiko-administratibo gisa agertzen; alabaina, kultura, ohiturak
eta hizkuntzaren eremuaz aritzean agertzen da. Jarrera hori Isabel
Zelaa aurreko Hezkuntza Sailburuak landu zuen curriculumarekin bat
dator.
Euskal
Herriaren adiera hori Lehen Hezkuntzako curriculum dekretu osoan
islatzen da. Derrigorrezko Bigarren Hezkuntzako curriculumean muga
apur bat lausoagoa da, baina, betiere kulturatik gertu: musika,
Antzinaroko zibilizazioen aztarnen eremua... Nafarroa DBHko Historia
ikasgaian agertzen da, soilik; bertako edukietan Nafarroako Erresuma
lantzen da.
ERLIJIOAREN ALTERNATIBA
'Konstituzio' hitza gabe
Ikastetxeek
Erlijioa ikasgaia «derrigor» eskaini behar dute, LOMCEk aginduta.
Hori hautatu nahi ez duten ikasleentzat Balio Sozial eta Zibikoak
izeneko ikasgaia prestatu zuen Jose Ignacio Wert Hezkuntza
ministroak, Espainiako Konstituzioarekin lotutako zenbait edukiekin.
Heziberriren curriculumean ez dakonstituzio hitza
agertzen; bai ordea Espainiako
legedia,
EAEn eragina duten araudi guztiekin batera, Giza Eskubideen
Aldarrikapen Unibertsala, kasurako.
Bestetik, LOMCEk Espainiako «ikur nazionalen» esanahia ezagutzea eta azaltzea sartu du Balio Sozial eta Zibikoak ikasgaian: Espainiako armarria, bandera eta himnoa. Eusko Jaurlaritzako Hezkuntza Sailak ez du halakorik sartu Heziberrin. Cristina Uriarteren taldeak irizpide horiek guztiak ikasturte honetan bertan igorri zizkien ikastetxeei, eta Heziberrin txertatu ditu.
Bestetik, LOMCEk Espainiako «ikur nazionalen» esanahia ezagutzea eta azaltzea sartu du Balio Sozial eta Zibikoak ikasgaian: Espainiako armarria, bandera eta himnoa. Eusko Jaurlaritzako Hezkuntza Sailak ez du halakorik sartu Heziberrin. Cristina Uriarteren taldeak irizpide horiek guztiak ikasturte honetan bertan igorri zizkien ikastetxeei, eta Heziberrin txertatu ditu.
HAUTU AFEKTIBO-SEXUALA
Ebaluazio irizpideen artean
Heziberrik
LOMCEren ebaluazio irizpideak osatu ditu diskriminazio eta «gizarte
bidegabekerien» alorrean. Hezkuntza Sailak ebaluazio irizpideen
artean txertatu du norberaren izaera afektibo-sexualaren aurkako
diskriminazio egoerak antzematea; LGTB kolektiboa aipatzen du,
espresuki. Espainiako Hezkuntza Ministerioak eskubide berdintasuna
txertatu du oinarrizko curriculumean, baita jaiotza, arraza, sexu,
erlijio eta iritziengatiko diskriminazio eza ere; hautu afektibo
sexualaren diskriminazioa sartzeari uko egin dio, baina.
EKONOMIA
Bete-betean sartuta
Heziberrik
bere egin du LOMCEren aldaketa esanguratsuetako bat; ekonomiaren
lanketa Lehen Hezkuntzan, 6-12 urte artean, Gizarte Zientziak
ikasgaiaren barruan: kontsumoa eta publizitatea, produkzio moduak,
finantza heziketa, dirua, aurreztea, enplegagarritasuna eta
ekintzailetza... Zenbait alorretan LOMCEk ez duen ikuspuntua ematen
dio gaiari —kontsumo arduratsua, lan gatazkak hitzaren bidez
konpontzea...—, baina muina Espainiako legetik hitzez hitz hartuta
dago.
EUSKARA
Lehentasunezko trataera»
Hezkuntza
Sailak aldatu du 2007ko curriculum dekretuan zegoen elebitasunaren
formulazioa. Heziberrik euskarari «lehentasunezko trataera» ematen
dio, «gizarteko erabileran duen desoreka berdintzeko». 2007ko
dekretuan ez zen halakorik ageri.
No comments:
Post a Comment